|
IL CERTIFICATO COME SEVIZIA |
L’ultim libri che o ai let di Giorgio
Ferigo “Il certificato
come sevizia” (ed.Forum) mi à fat fâ qualchi ridade
di gust.
Mai i vares pensât che un Cjargnel cussì Cjargnel
come Giorgio al fos rivât a toli pal cûl tant ben
la burocrazie ch'a lu stipendiave.
Il suc di dute l’opare si cjate tes primes ries dal libri (scrit
par talian, no par mancjance di rispiet pal furlan, ma par comoditât):
“Molti
dei certificati richiesti ai cittadini non hanno alcun significato
sanitario”.
Cun meticolositàt scientifiche, che le à doprade ancjie in ocasion
di oparis plui inpegnativis, Ferigo al spieghe come che la burocrazie
ti puès ruvinâ la vite, propit par vie di chescj certificâz
inutils e impussibils.
Cemût pratindi che un miedi, quasi dome
a voli, al podi certificâ che un al è di “sana
e robusta costituzione fisica”?
”
In realtà qualunque
sia la definizione, la salute non è certificabile. La
salute è assenza di malattia? Non si può certificare qualche cosa che
non c’è, non si può attestare un’assenza,
una mancanza, il vuoto” .
E
dopo all’insist, disint che
- sicome vuei un nol poi jessi declarât colpevul fint a prove contrarie,
quindi a esist la presunzion di inocenze,
- sicome che vuei si po
presentâsi devant di un sportel e “autocertificâsi” la
nascite, la profesion, i studis, e v.i.
- cussì al riten necessari
che “nel
nostro ordinamento si introduca il principio di ‘presunzione
di sanità’. Principio ragionevolmente semplice,
economico, distruttore di infinite scartoffie”.
Ate tumiade a è chê dal libret sanitari,
che a scuegnin veilu ducj chei che an a ce fâ cu la int, par vie dal
mangjâ e
dal bevi, parfin l’autist dal camion “Goccia di Carnia”!
And’è imò une slavinade di atis certificâz
ch' a rindin potente la burocrazie ch'a ti po’ autorisâ,
o no, a fâ il portinîr, il mecanic o il carossîr, il condutôr
di cjaldèris a vapôr, o par podê azionâ l’inplant
di salide di un skilift, par podê adotâ o, parfin,
par podê cedi un quint dal to stipendi, par podei vê un
prestit de bancje, fâ il cjaçadôr o lâ in
palestre.
Su la patent e il rinovo a scjadence, Giorgio al scrîf
un cjapitul intîr.
Al è lì ch'al dîs, par fa capî i timps
biblics de burocrazie, che in Italie a son volûts 12 agns
par rindi obligatoris lis cinturis di sigurece e ben 14 par inponi
il casco a chei ch'a van
in moto, seben che ducj a fossin convints che la sanitât
nazionâl
a vares sparagnât un grum di bêz.
Podares lâ indenant a contâus ce che Ferigo, miedi,
al pensave de “igiene” che no è une discipline
scientifiche, ma un concet ch'al fâs comut a chei ch'a vendin
savòns
par ogni bisugne, e par capile no covente un diplome postuniversitari: “Basta
guardare settanta volte lo spot di Aiax, Igiene Attiva!”.
Ma mi fermi, no prime di dâus un consei che il libri mi à sugjerît:
no steit a pensâ di podê lâ cuintri la burocrazie,
a pierdaressis simpri.
A Giorgio un requiem ch'a i gjovi a cjapâ di là ce
che i an tolet di cà.
Marino
Plazzotta
Trep in Cjargne, 5 di dicembar 2007
a un meis da sô muart
